GAZA- Shete Palestino a muri y mas di 400 persona a resulta herida pa tironan di soldaatnan Israeli durante e protestanan di diabierna cerca di e frontera cu Gaza y e estado Hebreu.
Seis periodista a resulta, segun e sindicato di periodistanan Palestino a denuncia. Nan a sigura cu e reporteronan tabata debidamente identifica ora cu nan tabata eherciendo nan trabao.
Siman pasa 19 Palestino a muri durante e manifestacionnan y 1400 a resulta herida, den cual tabata e jornada mas sangriento desde e guera di 2014 entre Israel y e movimento Palestino Hamas.
Diabierna miles di Palestino a bolbe bay manifesta cerca di e barera di siguridad cu ta separa e teritorio Israeli di e enclave Palestino controla pa Hamas, enemigo number 1 di e estado Hebreo.
E enfrentamentonan a bay for di man a lo largo di e frontera. manifestantenan a cende tirenan na candela y a lansa piedra contra di e soldaatnan Israeli, probocando cantidad di huma riba e barera di siguridad, segun AFP. Militarnan a responde lansando gasnan lacrimogeno y balanan di berdad.
Segun ehercito Israeli, cerca di 20 mil Palestino a participa den e enfrentamentonan y algun manifestante “a purba daña y crusa e bara di siguridad bou di un nubia di huma, crea pa tirenan cendi na candela.
Fuente:https://www.afp.com