Ekiponan di rescate ta trahando for di oranan di marduga di diaranson, pa rescata por lo menos shete minero pega den un buraco di 200 meter, den un mina di e region di Arequipa. E mineronan a keda pega despues di un avalancha di lodo y piedra a tapa nan.
E mineronan artesanal tabata realisando trabaonan di extraccion den un mina na La Purisimia, na momento cu un avalancha a tapa e entrada di e mina.
Ekiponan di bombero, specialisa den rescatenan cu un motorbom, a drenta den e boca di e mina. Tin un ekipo di dokter, verpleegster y un ambulance pendiente.
Den e temporada aki di aña den e region halto di Arequipa, hopi awasero ta wordo registra cu ta afecta e habitantenan di e region y tambe e mineronan artesanal cu tin nan tentnan habri rond di e seronan, cerca di e mina na unda nan ta traha.