Shete marinero Mericano desapareci despues di un colision entre dos barco

0

TOKYO, Japon- Shete marinero Mericano ta desapareci y e comandante di un destructor Mericano a keda herida despues cu e barco di guerra a dal contra di un barco mercante den e costa di Japon, segun Marina Mericano a informa diabierna.
E USS Fitzgerald a sufri dañonan na su stuurboord. E Comandante Bryce Benson tabata un di e cuater marineronan herida cu mester a wordo traslada pa un hospital naval na Yokosuka, Japon.
Nan condicion ta stabiel segun un comunicado di marina Mericano.
Otro heridonan ta wordo evalua, segun e Marina a agrega.
E dos barconan aki a dal den otro den Oceano Pacifico na 56 miya nautico leu for di e costa di Yokosuka, segun Warda Costa Japones a declara na CNN. E daño na Fitzgerald a resulta den inundacionnan den e barco, segun Marina a bisa.
Un funcionario di Marina a bisa na CNN cu e barco ainda ta operando bou su propio fuente di poder pero tin propulsion limita.
E barco tabata yena cu awa despues di e incidente, pero e tripulacion tabata trahando pa stabilisa e barco door di pomp awa den e bodega.
Un helicopter di Warda Costa Japones a yuda na evacua e heridonan y un emisora estatal Japones NKH ta mustra un video di un persona aparentemente herida cu a wrodo traslada pa un hospital Naval.
Warda Costa Japones a bisa cu cuater di su barconan y un helicopter ta yudando e destructor naval di Merca, cu un evaluacion di dañonan y ta buscando e zona rond di e barco, trahando ariba e posibilidad di cu algun di e desaparecinan lo a cay den oceano.

Fuente: www.cnn.com

LEAVE A REPLY

Please enter your comment!
Please enter your name here