GUERERO, Mexico- Diadomingo ultimo, 5 di November, shete cadaver desmembra y carbonisa a wordo haya den e municipio di Chilapa (Guerrero, Mexico), un di e regionnan mas peligroso y cu un presencia di e crimen organisa di Pacifico Mexicano.
E curpanan, lora den saconan di plastic, tabata na kimando ora cu nan a wordo localisa pa elementonan di e polis local y agentenan di Servicio Medico Forense (Semefo) estatal.
E localidad ta conta cu rond di 120 mil habitante y tabata e epicentro di actividadnan di narcotrafico y di expresionnan di violencia den mas cu un ocasion, manera e desaparicion di e 43 studiantenan di Ayotzinapa, na September 2014.
Na mei 2015, eynan mas di 16 persona a disparce despues di cu un comando di 300 sicario a tuma e municipio yena cu violencia y habitantenan a biba den temor durante varios dia.
Autoridadnan local a sigura tambe cu nan a haya otro seis curpa corta na pida y den e mesun region na Maart di e aña aki.
Chilapa ta un di e productornan mas grandi di amapola, un cultivo hopi gusta cerca e cartelnan di droga pasobra cu e ta sirbi pa elabora enervante sintetico den e zonanan montañoso di Mexico.
Fuente: https://actualidad.rt.com/