NEDERLAND, Colorado – E sheriff di e warda di polis na Nederland, a cay di biaha riba un tas, pero prome el a pensa cu ta trata aki di un caso di un obheto perdi. Despues toch, el a dicidi di bay wak kico tin aden. El a mira un telefon celular, algun waya y puiro. E sheriff tabata tin un bom den su mannan.
E detective a pone e explosivo pafo, a laga evacua e warda di polis, como tambe e supermercado banda di dje y despues bay na e motel cu ta situa otro banda di caminda.
Nederland no ta mucho grandi, e ta conta cu mas of menos 1500 habitante y ta situa 2500 meter den e seronan di Colorado. Un investigacion a hiba rapidamente na David Michael Ansberry, un homber invalido di 64 aña. E homber tabata tin un vengansa di decadanan contra polis. E motibo no ta conoci. E bom aki por a wordo controla for di un distancia cu GSM. Pero a bin resulta cu despues di tres intento, esaki a fracasa, segun expertonan di bom. Ansberry ta riesga un castigo di 20 aña den prizon.
Fuente: ANP