Galardona e Beazley Design di Aña y presenta pa e Design Museum di Londres, e modulo Better Shelter ta traha di plastic reciclabel, consistiendo di solamente 68 componente, y por wordo asembla den solamente un paar di ora.
Cada structura ta grandi suficiente pa duna refugio na un famia di cinco y ta inclui un panel solar pa genera energia y carga aparatonan electronico. Desde cu su produccion a start na 2015, 16 mil unit a wordo entrega na paisnan rond mundo, incluyendo Irak, Djibouti, Grecia y Nigeria, caminda nan lo por wordo uza como cas, clinicanan temporario y hasta oficina.
E shelter a triunfa riba nominacionnan mas atractivo manera un sapato di careda di Adidas trha di plastic reciclabel saca for di lama. Grafton Architect su edificio di Universidad de Ingenieria y Tecnologia na Lima, Peru cual a a gana e premio internacional RIBA na 2016 y Herzog & de Meron su adkisicion di mas nobo.
Esaki no ta prome biaha cu impacto social a gana riba di glamour pa e prize grandi. Aña pasa, un aparato manera un micro- chip cu por imita funcionnan di e organo humano a gana di e auto cu por core su mes di Google, e museo diseña door di Frank Gehrydi e Louis Vuitton Foundation y un coleccion di pasarela traha door di Rodarte inspira door di Star Wars.
Tur proyecto nomina ta den un exposicion na e Design Museum na Londres, te dia 19 di Februari 2017.