Por sinti cu e docentenan mes no lo bay wanta hopi mas sin e managernan. A puntra Sheila Tromp-Lazo di Simar, dicon ainda no a bay corte.
Simar a prepara pa esaki tambe. E managernan tambe ta prepara pa esaki, pasobra nan a bisa cu 12 aña largo cu ta cargando un scol y ta yega un momento cu en berdad tur ta sinti cu ta haya gana di cay na caminda. E grupo ta fuerte. Simar ta reuni cu nan tur dia. Ta papia cu nan tur dia. Nan ta dispuesto pa bay as long as it takes.
Simar ta bayendo corte pa un otro caso. E otro caso a tuma analisis pa yega pa un desicion. Un caso no ta resolve awe, no ta resolve mañan. Manera semper, Simar ta purba tambe toch na mesa y si na mesa por logra, ta logra hopi. Unico punto cu falta pa henter e caso aki yega su fin, ta cu minister por pone e di tres manager manera e organogram ta bisa, manera un unit tin.
Kico ta costa Gobierno pa paga e parti cu e mangernan tin cu haya, tambe ta un pregunta cu a wordo haci.
Ta warda e functiehuis keda cla en principio, pa yega un decision riba esaki. Por a mira e functiehuis move di Augustus pa Januari. Den esaki no tabata tin e structura di MBO mes den dje. E minister a pidi cuater luna di tempo pa por haci investigacion suficiente, pero mientras tanto mester tin un hende ta haci e trabao.
Kico e ta costa minister. Esey mester bay wak den su cartera cuanto esaki ta, segun Sheila Tromp-Lazo.
El a agrega cu no a palabra e suma. E managernan ta hayando segun e schaal cu nan ta bay para aden como manager, pero esaki tambe mester wak, pasobra un rato nan ta cay den e schaal di onderwijs y un rato nan ta gelijkgesteld. Door di a duna e dos periodieknan, Simar mes tabata den e incertidumbre, precisamente unda e managernan ta situa awo. Pasobra nan mes no sa y no a haya preto riba blanco. A pidi hopi biaha con a yega na e calculacion, pa sa unda e managernan ta situa y te awe no a haya esey. Pa nan mes, e ta un incertidumbre.