Tin hopi hende cu ta registra na Censo cu no tin nan zorgpas di AZV na ordo. Awor aki lo bay haci un un limpiesa den nan sistema segun directora di Censo Sharin Luydens.
Luydens a menciona cu lo bay cuminsa cu un proyecto di Fondo di Desaroyo, cu ta inclui limpiesa di registro civil. Esaki ta encera cu desde introduccion di e zorgpas di AZV, tin rapportnan cu a duna un discrepancia di ongeveer 12 mil hende cu aparentemente no ta biba na Aruba. Tambe for di Censonan anterior, a ripara e discrepancia di e cantidad ya menciona. Tin cu pone hopi enfasis cu ta hopi importante pa tin un bevolkingsregister limpi, pasobra hopi instancia dentro y pafo di Gobierno, ta conta cu e informacion aki.
Tambe mester pone enfasis cu un bevolkingsregister ta pa hendenan cu ta biba na Aruba. Ley ta duna cu hendenan cu ta biba realmente na Aruba tin e derecho pa ta inscribi den e registro civil. Si bo no ta biba na Aruba, bo no por ta inscribi y bo obligacion como ciudadano ta, segun articulo 27 y articulo 28 di Landsbesluit Bevolkingsregister, pa bo schrijf bo mes uit.
Tur hende cu ta incorectamente inscribi of cu no ta schrijf su mes uit, tin consecuencia financiero negativo riba nos pais.
Ta pidi comunidad pa yuda censo y duna cooperacion pa e proyecto aki, pasobra e proyecto aki ta na bienestar di e sostenibilidad di nos fondonan social. Censo a haci e proyecto aki via fondo di Desaroyo. A bay un destaho publico y e compania Core NV di Corsou a gana esaki.
Luydens a sigui splica cu e proyecto aki ta hopi importante. E ta nos pais, e ta nos responsabilidad pa conhuntamente cu censo, logra haci e proyecto aki uno exitoso.
Lo tin un carta cu lo bay sali pa 11 mil hende pa haya sa si nan ta na Aruba si of no. Luydens a splica cu ora cu un hende haya un carta cu nan kier wak si ta bisa na Aruba, y no ta pasobra haya e carta ey, kiermen cu e no ta biba na Aruba. A base di diferente comparacion di informacion, tin un suposicion cu no ta biba na Aruba. Por ehempel. Bo no ta registra na AZV. Ta hopi straño cu bo ta biba na Aruba y bo no ta registra na AZV. Of ta hopi straño y cu bo ta biba na Aruba y bo no a pasa busca bo zorgpas. Tambe for di e comparacion di informacion por a saca afo, sigur tin 800 hende for di e 11930 carta cu lo sali, cu sigur ta mas cu un aña afo y cu tambe lo ricibi carta. For di e 11900 hende cu lo manda carta, por wak si ta cifranan importante cu 1064 a nace na Aruba, di 11929. Y asina tin tambe diferente otro nacionalidad cu tin e cifranan di cuanto di nan ta tal nacionalidad.