For di oranan di marduga Setar Nv a confronta problema den su ret di internet y cable pa cu area di Madiki Kavel, Ponton, Tanki Flip te cu Boegoeroei. Di biaha a saca tecniconan pa wak kico ta e problema y a bin constata unda e fayo aki ta bin.
Esaki ta relaciona cu un auto a ranca palo di luz completo na Ponton y a kibra e cabel di fiber cu a causa daño serio riba e red. Esaki a pone cu hopi area a keda afecta sin cable y sin internet, maske ta di lamenta cu e compania no por a saca informaciona pa informa e clientenan riba nan sistema di facebook di kico a sucede cu pa es motibo cu di marduga no tin servicio di internet y ni cable.
Informaciona cu nos redaccion a haya cu pa 4 or atardi a restablece e señalnan bek pa tur esnan cu a keda afecta.