Servicio di ambulans ta cla pa duna servicio durante e paradanan di carnaval. Sr. Liberato Hoek, di Servicio di Ambulans ta elabora mas ariba esaki.
Esaki ta un custumber di e paradanan di Carnaval, vooral e siguiente tres paradanan cu ta bin. Sr. Hoek ta pidi si pa esunnan cu ta bay wak Carnaval, cu nan tin cierto luganan strategico pa laga esakinan liber pa ambulans. Hopi biaha esakinan ta bezet y mester pidi polis pa takel e autonan cu ta para unda cu ambulans mester para. Ora cu DOW cera e caminda, nan ta pone e lint, pero hopi biaha nan ta kita e lint, y para nan auto na luga di ambulans.
Tambe Sr. Hoek a bisa cu asina cu tin un incidente ariba e ruta di Carnaval, por tuma contacto cu un miembro di Rode Kruis of un agente policial, cual na su luga lo tuma contacto cu e Commandokamer, cu ta specificamente pa actividadnan di Carnaval.
Ora di meld, ta pidi pa tene cuenta cu un punto specifico ora di haci un melding, p.e. Un nr di palo di luz, un edificio specifico, cu ta yuda mas ora cu duna asistencia. Por yama 911, esaki ta wordo manda pe commandokamer. Dus basicamente ta haci e caminda mas largo.
Por ultimo, Sr. Liberato Hoek ta pidi mayor y representantenan den Carnaval di mucha, ta pidi pa por fabor, pa duna e muchanan suficiente di bebe pa nan no droog uit. Cuida nos muchanan.