Serlimar ta uza santo di calichi pa tapa candela riba dump

0
RBC Juli 2018
Funmiles-2018

Serlimar a uza santo di calichi pa tapa e candela cu tabatin na Dump. Esaki ta un metodo nobo cu Serlimar ta uzando p’asina preveni candela.

Sra. Twyma van der Biezen, Sales & Marketing Manager di Serlimar, ta splica cu Dump a confronta su mes cu candela, cual a wordo ocasiona spontaneamente dor di e cayente di e solo. Esaki ta algo cu a sosode den pasado caba. Loke Serlimar a haci ta tapa e candela cu santo di caliche cu ta bin di Ser’i Teishi p’asina controla e candela y minimalisa e huma cu por causa molester den e vecindario. E ta un area popular pa candela spontaneo. Tin hopi aña caba cu tur tipo di desperdicio a wordo acomula eyriba. Loke Serlimar por haci aworaki ta controla e superficie cu e santo di caliche pa reduci e posibilidad pa esaki ocasiona mas candela. Cu e santo di caliche, Serlimar ta bezig na varios area pa cubri e areanan cu santo p’asina preveni candela. Actualmente nan ta tin e proceso andando caba na Ser’i Teishi. E santo cu nan ta coba nan ta haci uzo di dje pa tapa Parkietenbos. Esaki ta pa dos motibo. E ta pa reduci e candelanan cu wordo ocasiona spontaneamente y tambe pa cubri e sushi cu ta los cu por bula bay den vecindario, sea den awa y tambe den e matanan patras. E santo di caliche ta conoci pa ta un santo sanitario. E ta un tipo di santo cu ta sanitario pa haci uzo di dje den landfills. Nan a haci uzo di pruebanan cientifico pa e santo aki y ta p’esey nan ta haci uzo precisamente di e santo di Ser’i Teishi p’asina cubri e candelanan cu tin aworaki y preveni cu candelanan den futuro wordo ocasiona.

 

Ademas, sra. van der Biezen ta splica cu nan a manda un carta pa Minister concerni pa locual ta trata e personanan cu ta bayendo den Parkietenbos ilegalmente. Loke nan kier haci ta restringi e area completamente pa personanan no drenta den Parkietenbos mas y pa Serlimar su mesun empleadonan cuminsa separa sushi na e PTS area. E ora personanan por djis drenta den e PTS area conoci como Container Park pa hiba nan sushi y e empleadonan mes ta separa esakinan.

 

Comments

comments

C: Heineken
new india
dvg