Serlimar ta bay paga 28 mil florin pa huur edificio na Pos Chiquito

0
RBC Juli 2018
Funmiles-2018

Ex Minister Booshi Wever ta kere cu huurmento di edificio na Pos Chiquito pa ubica Serlimar ta pa paga bek sponsor di campaña. Relaciona cu e declaracion aki, e pregunta ta si Sr. Wever tambe a paga bek ora cu su gobierno 14 aña pasa pa prome biaha a cera contracto pa huur e edificio aki. Ta un edificio cu ta existi pa loke ta huurmento na departamento di DTI cu a cay bou ex-ministernan Dower, Sevinger y de Meza. Tur esunnan cu awe ta critica, despues di 14 aña a continua cu e huurmento cu tabata costa 49 mil florin pa luna. Pero e deal nobo ta 28 mil florin cu Serlimar ta bay paga. Di 49 mil cu Sr. Booshi Wever su gobierno y Sr.Sevinger y Sr. Dowers tabata paga pa e edificio aki, awor ta papiando di un suma substancial menos. Ora ta haci un calculacion ta papiando mas of menos 21, 22 florin pa metro cuadra. Esaki ta un di e sumanan mas abou den tur e 90 edificionan cu gobierno ta huur. Si Sr. Booshi Wever kier categorisa cu e doñonan diripente a bira POR y cu ta payback time tin, Minister Oduber a bisa di ta lage pa su persona. Como Gobierno y Serlimar ta scoge un edificio adecuado cu ta sirbi e proposito cu ta pone e servicio den dje y percura pa e financiamento ta combini. Segun Minister Otmar Oduber, cu tur respet pa Sr. Wever, e lo kier sinti un tiki momento di gloria un biaha mas. Pa hopi aña su persona tabata for di politica y e ta obliga di keda Aruba pasobra e no por sali mucho mas y ta trata di envolve su mes un tiki den politica di Aruba. Mundo ta cambia y mundo ta desaroya y ta bayendo den direccion di incinerator ta pasobra e ta make business sense y financieramente ta algo cu gobierno por carga. Mirando cu a desaroya e tecnica di incinerator asina bon y e ta ser explora. Basa riba e RFA cu ta tin di e 21 companianan cu a participa, a mustra cu esaki ta e direccion cu Aruba mester bay. Ora scucha Sr. Wever papia riba destaho publico, tur hende por corda con a trece Bouldin and Lawsons Aruba, y con e proceso y decision tabata. Un total di 30 miyon a paga na Bouldin and Lawson cu ningun dia no a produci y ni a traha. Esey ta e fracaso di Sr. Booshi Wever kende tabatin ocho aña ta atende cu Serlimar y e fracaso aki el a keda cune na su nomber. Atrobe si kier pone un servicio riba mercado ta scoge e localidad cu por brinda e servicio.

Comments

comments

C: Heineken
new india
dvg