Serlimar ta e compania cu lo keda cu e proyecto di dump y no lo pas’e den man di ningun hende. Edmundo Marlin di SEPPA ta splica cu dump no lo cera, pero si lo busca solucion pa e problema di sushi.
El a splica cu lo bay tin dos site pa por atende cun’e pareu, caminda cu e lo keda bao di encargo di Serlimar.
Tin cu haya sa kico e plan ta encera, segun Marlin. Y lo bay haya sa esey fin di luna. Hopi biaha ora cu hinca plan den otro, e ta bay ta den varios fase. Ta papiando di corto plazo, medio y largo plazo.
E ta bira bon cla awo, cu dump no por cera. Solamente ta bay over na bay sani’e, pa bin cu un dumpsite otro caminda.
Marlin ta sigui splica cu e protocol firma na December, tin su atencion. Pesey a mustra Gobierno riba dje, cu e protocol cu a wordo firma eynan, ta papiando juist cu pa motibo cu kier bay haci algo cu e dump, mester bin cu un plan. Pa e plan ey mester sinta hunto cu Gerencia di Serlimar y e sindicato pa wak ki plan Gobierno tin pa bay eherce e asunto di dump. Con ta bay pak e aan.
Locual ta sosode, Gobierno ta suppose di pone su comision traha, pa studia e procesonan kico ta bay tin mester pa haci e dos cosnan cu lo bay simultaneamente. Mientras cu ta bahando e actividad, e sushi tin cu bay un caminda. Ta nifica cu e ta bay na e dumpsite nobo. Pa haci un dumpsite nobo, tin cu hinca un inversion eyden, unda cu ta papia di incinerator y burners, pa cuminsa traha cu e sushi. Pesey a wordo bisa, na momento cu e plan ta cla den otro, cu nan dicidi precies con nan ta bay haci’e, e ora tin cu bay wak e fondonan necesario pa e cosnan cu ta bay tin mester di dje.
Pa fin di luna por tin un bista, e comision mester ta cla cun’e. Minister a propone pa fin di luna, pa e comision sinta hunto cu SEPPA pa wak e plan cu tin. Manera cu ta bolbe bisa atrobe, e plan ta hinca den fase, manera ya menciona.