Serlimar cu campaña di fin di aña

0

Tur aña e compania Servicio di Limpiesa Arubano, Serlimar, ta tene nan campaña di fin di aña. Pero e aña aki nan kier a bin cu algo otro, algo extra, trece un cambio den esaki. Sr. Lionel Croes, vocero di Serlimar ta splica mas di e cambionan cu Serlimar kier bin cun’e.

Serlimar durante e ultimo añanan ta conoci den e mundo comercial, tin e prijsnan mas husto pa e residentenan di Aruba. Den cuadro di celebracion di Fin di Aña, un Santa special. Cu servicionan cu nan ta enfoca ariba dje, ta tres producto. Ta bira e servicio di 20 y 30 yarda, y tambe bakinan di 1100 liter, promoviendo door di laga e pueblo sa di e servicio di rosamento. Esaki ta un servicio cu a acapara hopi atencion di nos comunidad. E ta hala hopi atencion no solamente door di e bon servicio, pero door di e forma di e prijs husto y competitivo ariba e mercado local.

E campaña aki lo ta un campaña pa tres luna. Entrante 11 di October lo cuminsa pa luna di November te cu 10 di November, lo tin 10 te cu 25% di descuento ariba bakinan di 20 te cu 30 yarda. Esunnan cu ta reserva nan servicio online, automaticamente lo haya 15% di descuento. E lo enfoca pa trece mas trafico ariba nan website www.serlimar.aw. Esunnan cu ta haci nan reservacion of ta bin paga personalmente, lo haya 15 te cu 20% di descuento. Motibo cu esaki ta pasobra cu lo tin un Santa Claus na e diferente sucursalnan di Serlimar y lo tin un voucher den e saco di Santa Claus, lo tin e cantidad di descuento cu e cliente lo ricibi.

Entrante 1 di November te cu 30 di November, Serlimar lo bay ta promoviendo y dunando e special ariba e servicio di rosamento. Pero mester tene na cuenta pa e dicho servicio aki, SErlimar no ta tuma peticion den luna di December, e mester ta specificamente pa trabaonan realisabel. E cliente pro cuminsa pidi su oferta via nan website pero tambe e por bin personal busca e peticion pa e servicio di rosamento.

Por ultimo, Sr. Croes a splica cu pa luna di December, ta e famoso e 1100 liter bin, caminda tin um special di 55 florin unda lo ricibi 2 bin. Y tambe ariba e 55 florin, por ricibi te cu 25% di descuento. Esun cu haci su reservacion online lo ricibi un extra 15% di descuento.

Serlimar ta gradici e pueblo di Aruba pa e ultimo 5 añanan, caminda nan ta enfoca ariba e hisamento di e calidad di servicio.