En conexion cu e weekend di Carnaval 64, gerencia di SERLIMAR ta avisa e publico en general di e siguiente adaptacionnan:
*Rutanan Residencial:
Mirando cu e dia oficial di fiesta lo ta riba un dialuna, esaki ta nifica cu tur ruta residencial lo ser recogi un dia despues di e dia fiho di recoge, esta:
Rutanan di dialuna (Carnaval’s maandag) lo ser recogi riba diamars, 13 di februari.
Rutanan di diamars, lo ser recogi riba diaranson, 14 di februari.
Rutanan di diaranson lo ser recogi riba diahuebs, 15 di februari.
Rutanan di diahuebs lo ser recogi riba diabierna, 16 di februari.
Rutanan di diabierna lo ser recogi riba diasabra 17 di februari.
Entrante dialuna 19 di februari, lo asumi e schedule normal atrobe.
*Parkietenbos Weegbrug y Containerpark
Tanto e Weegbrug y como tambe e containerpark na Parkietenbos lo ta operando según e siguiente Schedule adapta:
Diasabra 10 di februari: di 7’or di mainta te 12’or di merdia.
Diadomingo, 11 di februari: di 8’0r di mainte te 12’or di merdia
Dialuna, 12 di februari, lo ta cera.
Lo asumi operacionnan atrobe riba diamars 13 di februari.
Pa peticion pa recoge mascotanan morto , comunica libremente cu nos na 5245080. Serlimar ta desea comunidad di Aruba un Carnaval felis, sano y sigur.