Serena Williams lo no competi den e torneo di Australian Open

0

FLORIDA, Merca- E tenista Mericano, Serena Williams a anuncia cu e lo no participa den Australia Open. E torneo aki lo cuminsa dia 15 di Januari na Melbourne, pero Serena Williams ta considera cu e no ta na e nivel necesario despues di a haya yiu.
Luna pasa, Williams a bolbe bek na e canchanan di tenis, despues di casi un aña leu di nan, den e torneo di exhibicion di Abu Dhabi. Serena a perde den torneo aki contra di e tenista di Letonia, Jelena Ostapenki, segun e agencia AFP.
Su ultimo partido den un torneo prome cu esaki tabata den e final di e Australia Open, un aña pasa, cual el a gana apesar di tabata na estado di dos luna.
“Despues di a competi na Abu Dhadi mi a ripara cu, aunke mi ta hopi cerca, toch ainda mi no ta na e nivel unda cu ami, personalmente, lo kier ta. Mi trainer y mi ekipo semper a bisa: “Participa den e torneonan ora cu bo ta cla pa yega na e final”, Serena Williams a splica.
“Mi por competi, pero mi no kier competi solamente, mi kier haci mucho mas cu esey y pa haci esaki mi lo mester di un poco mas di tempo. Bisando esaki, y aunke mi ta decepciona pa esaki, mi a dicidi di no competi den e Australia Open e aña aki”, Serena a agrega.

Fuente: http://www.ntn24.com/

Comments

comments