Seraida Leonard, Hoofd van Dienst di Stichting Reclassering en Jeugdbescherming Aruba, a comenta cu 80 pa 90 hoben ta cay den man di husticia. E ta splica cu tin un por lo menos 60% ta residivista, esta hobennan cu a cay cera y ta bolbe ripiti e delito. A purba di tackle e grupo ey, pasobra esnan cu a cay cera pa prome biaha, hopi biaha ta logra cu guia individual of cu grupo ta logra stabilisa nan. Pero e grupo cu ta logra cay bek, ta e grupo di mas dificil. Door di experiencia a nota cu e guia ambulante no ta suficiente y mester bin cu otro medida. Otro aanpak pa e hobennan aki. Pesey Reclassering a bin cu e Leerwerktraject. Tambe tin e tops training cu ta duna e guia ambulante. Awor aki kier bin cu e programa pa hobennan adicto. Tin un promedio di 80 pa 90% di e hobennan cu ta cay cera, ta uzando droga y nan ta wak e droga como un medio pa trankilisa nan mes pa ora cu nan ta chill, pa ora cu nan tin stress, nan ta uza marihuana pa relax nan mes. E programa cu kier bin cun’e ta yuda nan duna nan tooels pa asina nan uza e toolsnan ey pa relax pa nan por deal cu issuenan enbes di bay riba e marihuana.
E Banchi, loke kier ta cera suficiente fondo pa por cumpra e banchinan. Un di e problemanan grandi cu tin, ta e movecion di e hobennan cu no por controla unda nan ta. Cu e banchi por tin toch un restrincion di e movecionnan y ta duna nan guia den nan mesun medio ambiente, cual ta yuda nan tambe y bo ta minimalisa e efectonan negativo cu e detencion den KIA por duna.