Separacion di sushi, lo disminui e contaminacion na nos medio ambiente, segun Sr. Leandro Alvarado di PAHO ta splica.
Si e poblacion tambe tuma parti den e separacion di sushi, esey lo baha e riesgonan tambe. E parti organico y e parti no organico di loek ta wordo genera na cas, ta genera un nivel di contaminacion. E poblacion si el a entrega di manera separa, e gobierno no tabata tin mester di haci tanto esfuerso pero tambe mirando e gastonan halto den un dump.
E poblacion tambe mester den e separacion di sushi. No solamente den e tema di separacion, pero tambe den e tema di pago pa servicionan cu nan ta haya. E poblacion ta exigi hopi su derecho, pero tambe e poblacion tin e deber di cumpli cu su obligacion tambe. Aworaki gobierno ta buscando financiamento pa e luganan di disposicion final of su forma di tratamento. Sinembargo, e recursonan ta schaars y e sushi ta e poblacion ta genera esaki, tanto residencial como comercial. Y nan tur ta hunga un papel importante pa duna sostenibilidad na e sistema aki.
E recomendacion di PAHO ta con cada uno di e actornan aki lo mester duna di nan parti pa yega na un solucion. E poblacion ta hunga un rol importante y ta bon pa cuminsa cu’n proceso di separacion, pa asina evalua cual ta e productonan cu por wordo reuza y cual ta bay dump finalmente. E idea ta pa baha e cantidad di residuonan, esey ta loke ta e organisacion tin previsto ta pa maneha, pa dentro di e propuesta di gestion integral, pa baha e cantidad di sushi, y pa baha e gastonan cu esaki ta trece cun’e.
Mester corda cu Aruba no ta conta cu hopi espacio y e generacion di sushi ta bay ta aumentando cada dia, segun Sr. Leandro Alvarado di PAHO.