NEBRASKA, Merca- Despues di a sufri di dolornan di cabes y verkoud permanente pa varios aña, un muhe na Nebraska a caba di descubri cu su craneo ta kibra.
Na 2013, Kendra Jackson a golpia su cara contra di e dashboard durante un accidente di trafico. Despues di un par di aña el a cuminsa sinti varios sintomanan cu tabata inclui insomnio y sinus.
“E tabata manera un waterval permanente cu tabata core den mi garganta”, Jackson ta conta.
Varios dokter a diagnostica Jackson cu alergia te ora specialista di KNO a determina cu tabata trata aki di likido celebroespinal, cu tabata filtra for di su celebro. Ta trata aki di un fuga cu ta provoca problemanan grandi, manera meningitis bacteria.
E specialista aki a conclui cu Jackson riba un base diario tabata perde casi 240 ml, casi e mita di e likido cu e celebro ta produci, cual ta funciona como un dempel entre e celebro y e ruggemerg. E ta yuda regula e contenido di e buraco den bo craneo.
Finalmente e dokternan a haya un buraco chikito entre e craneo y e buraco di nanishi. Jackson a wordo opera pa tapa e buraco aki y ta spera cu e lo recupera por completo.
Fuente: ABC