Seleccion masculino di gymnasia Progreso lo competi pa prome biaha na nivel internacional

0

Dia 8 di november ta marca un momento historico pa Aruba su deporte ora cu pa prome biaha den historia un seleccion infantil masculino den e deporte di gymnasia biaha pa Oklahoma, Merca pa asina competi den e “2nd Annual Oklahoma Invitational Classic 2017” e dianan 10 pa 13 di november. E seleccion masculino cu ta carga e nomber di Progreso ta consisti di 5 atleta esta Edmund Lagmay, Emmanuel Simon, Jesar Ramos y Jordy Zievinger. E seleccion lo ta bou guia di assesor tecnico coach di seleccion, Jimmy Palma y assistant coach, Melissa Noguera. Mester bisa cu durante e preparacion di e seleccion a haya ayudo di licenciado professor Piñon y Professor David Rojas.

E deporte di gymnasia no mester mucho introduccion mas na Aruba. Den e ultimo dos añanan ta hopi a wordo logra tanto local y na nivel internacional. Cada bes cu nos atletanan a ricibi un invitacion pa competi den exterior a logra bini cu un of mas premio cas. Sin duda, Gymnasia di Aruba a traha su nomber den nos region y continente. Mas cu claro esaki ta djis un comienso di loke mester bini ainda.

Un danki na Lotto, e loteria di Aruba cu pa medio di Comision di Subsidio a subsidia e seleccionado Edmund Lagmay pa e 2nd Annual Oklahoma Invitational Classic 2017 na Oklahoma, Merca.

Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Comision di Subsidio.

 

LEAVE A REPLY

Please enter your comment!
Please enter your name here