Diabierna 24 di Maart ultimo, e seleccion femenino y masculino den e deporte di tennis a biaha pa El Salvador unda nan lo hunga e pre-clasificacion di e Jr Fed Cup y Jr Davis Cup. Nos hungadornan di ambos seleccion lo hunga prome den nan poule pa asina trata na drenta e “main draw” di e competencia. Mas cu claro nan lo mester ta victorioso den e ronda pre-eliminar. E seleccion di Aruba pa e Jr Davis Cup ta consisti di Coach: Claudio Martinez, Player 1 : Frederick Sydow y Player 2 : Alexson Hessels. Mientras e seleccion di Aruba pa e Jr Fed Cup ta consisti di Coach : Johnny Goitia, Player 1 : Kayla Solagnier y Player 2 : Aethielle Kelkboom.
Na anja 2015, Aruba tabata triunfante den e competencia Junior Davis Cup Pre-Qualifying Central American & Caribbean Zone cu a tuma luga na El Salvador. Tabata pa prome biaha cu Aruba a logra gana e premio aki desde su participacion na 1985 y a marca historia pa e deporte di tennis.
Un danki sigur na Lotto, e Loteria di Aruba pa medio di Comision di Subsidio cu a subsidia e biahe di e Seleccion di Tennis pa e Jr Davis Cup y Jr Fed Cup na El Salvador
Cumprando weganan di Lotto, e Loteria di Aruba manera Catochi, Big 4, Zodiac, Wega di Number Korsou, Lotto di Dia, Lotto 5, Mini Mega, Mega Plus y weganan di Raspa bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Comision di Subsidio.