Durante un siman y mei largo, nos seleccion di softball fast-pitch masculino a hunga un torneo clasificatorio di CONSURSA na Monteria, Colombia. E weganan di Consursa ta di nivel halto mirando cu e paisnan den nos region y continente cu ta participando na esaki ta di nivel mundial. E torneo lo conta cu paisnan manera Cuba, Republica Dominicana, Panama, Ecuador, Venezuela, Peru, Brasil, Colombia, Argentina y mas cu claro nos seleccion di Aruba. E seleccion nacional tin varios luna den forma intensivo ta preparando pa e gran torneo aki y ta cla pa duna bon bataya na e otro paisnan participante. Aruba Softball Bond a traha desde un principio riba un plan di trabou y maneho pa asina tur cos cana manera debe ser. E seleccion consisti di varios hungadonan hoben a responde bon na e plan aki y ASB sigur ta satisfecho cu e resultadonan di e weganan di fogeo hunga na Aruba mes. Notabel ta cu nos seleccion di softball a habri e torneo contra di Cuba y a hunga nan ultimo wega diahuebs contra di Argentina.
Stichting Sportsubsidie Aruba tambe a yuda subsidia e biahe di e seleccion di softball fast-pitch masculine pa e torneo clasificatorio di Consursa na Monteria, Colombia.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Stichting Sportsubsidie Aruba.