Den fin di siman e campeonato di Liga Special HEINEKEN di Aruba Softball Bond a continua riba veld di Flatstone. Seleccion di Aruba den pleno preparacion a enfrenta Balashi Premuim reforsa cu pitchernan internacional. Den e prome wega di anochi Seleccion di Aruba ta logra un victoria. Seleccion Aruba 4 careda, 3 hit, 0 eror y ta laga 2 coredo na base. Balashi premuim 2 careda, 0 hit, 2 eror y ta laga 5 coredo den circulacion. Eudomar Toyo ta lansa 3 inning tirando 15 bola y 30 strike ponchando 8 batiado y ta wordo releva pa Jair Thompson kende ta drenta wild lansando 35 bola y 30 strike regalando 6 base por bola y ta permiti 2 careda ponchando 6 batiado. Miho batiadonan pa Seleccion ta Jayson Orman, Ray Bernabela ambos di 2-1 y Jomark Flanegin di 1-1. Pa Balashi Jesus Leal Becerra ta bay 6 inning lansando 40 bola y 68 strike ponchando 6 batiado pero ta bay cas cu e derota. Balashi no a conecta hit den e wega aki. Den e di dos wega di anochi Seleccion di Aruba un biaha mas ta gana Balashi Premuim. Seleccion di Aruba 6 careda, 2 hit, 1 eror y ta laga 4 na base. Balashi Premuim 2 careda, 2 hit, 3 eror y ta laga 6 den circulacion. Jomark Flanegin ta gana e partido lansando 23 bola y 33 strike, 6 strike outs y 3 base por bola y ta permiti 1 careda limpi. Jair Thompson cu ta releva un inning ta tira 9 bola y 11 strike , 3 strike outs y ta duna 1 base por bola. Pa Balashi Premuim Andres Gonzalez ta bay completo tirando 36 bola y 45 strike, 13 strike outs permitiendo 2 careda limpi y no ta regala base por bola. Un tremendo performance. Miho batiadonan pa Seleccion ta Filbert Thiel 3-1, Ray Bernabela 2-1. Pa Balashi Sandrick Geerman ta bay di 2-1. Dialuna awor cuminsando pa 715pm na veld na Pos Chikito Seleccion di Aruba lo enfrenta Balashi Premuim un biaha mas den un double header. Solamente dos wega riba e anochi aki. Liga Special den pleno desaroyo preparando.