Dianan 31 di Maart te cu 1 di April proximo,e seleccion di Aruba den e deporte di Karate lo ta na Caracas, Venezuela pa asina representa nos dushi isla den e torneo renombra esta Central American & Caribbean Karate Championship. Mester bisa cu Aruba lo wordo representa den gran forma den e torneo aki unda nos miho karatekanan lo midi forsa contra esnan den nos region. E atletanan cu lo representa Aruba ta Robert Silva, Catherine Carraha, Kevin Lugo, Jean Carlos Franken y Christopher Carraha. Hunto cu nan lo biaha coach Sensei Armando Pazos di Venezuela, un medayista Panamericano, Suramericano, y Centroamericano. Como hefe di delegacion di Aruba representando Aruba Karate Bond, nos tin Mr. Georges Carraha. Pa varios luna caba nos atletanan di karate ta hibando un preparacion debido y sigur intensivo pa cu e competencia internacional aki. Awo nan lo biaha cu confiansa pa e magno competencia aki.
Un danki sigur na Lotto, e Loteria di Aruba pa medio di Comision di Subsidio cu a subsidia e biaha di e delegacion di karate pa e Central American & Caribbean Karate Championship na Caracas, Venezuela
Cumprando weganan di Lotto, e Loteria di Aruba manera Catochi, Big 4, Zodiac, Wega di Number Korsou, Lotto di Dia, Lotto 5, Mini Mega, Mega Plus y weganan di Raspa bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Comision di Subsidio.