Aruba Softball Bond trahando duro den e fase final pre competitivo preparando su selecion masculino pa campeonato di CONSURSA 1 pa 10 di Juni proximo cual lo tuma lugar na Monteria Colombia cu 11 pais compitiendo. Den cuadro di esaki ASB ta organisadno Liga Especial HEINEKEN unda pithcernan internacional constantemente ta reforsa otro equipo y ta hunga contra Seleccion di Aruba. Seleccion di Aruba a topa Macuarima Indians den un double header dialuna ultimo riba veldnan di Pos Chiquito. Den e prome partido di anochi Seleccion di Aruba a baha fuerte riba Carlos Croes y ta knockout Macuarima 11 pa 1. Seleccion Aruba 11 careda, 10 hit, 2 error y ta laga 5 coredo na base. Macuarima 1 careda, 3 hit, 1 error y ta laga 3 coredor na base. Carlos Croes ta permiti 9 careda limpi. Eudomar Toyo ta lansa 3 inning permitiendo 2 hit tirando 3 strike outs mientras e ta wordo releva pa Jomark Flanegin kende ta permiti solamente 1 imparable. Miho bateadonan pa Seleccion di Aruba ta Deyon Peterson 2-2, Jair Thomspon 1-1, Kelvin Silvania 3-3, Richard Flanegin di 2-1. Pa Macuarima Indians a destaca na plato Darl Quandus y Revelino Silie ambos di 2-1. Den e di dos wega di anochi entre e dos equiponan aki seleccion un biaha mas ta domina Macuarima. Box score final Selecion Aruba 8 careda, 8 hit, 0 error, 4 coredor laga na base. Macuarima Indians 2 careda, 3 hit, 2 error y tambe 4 cordeor laga na base. Jomark Flanegin ta resulta pitcher ganador lansando 14 bola y 26 strike, permitiendo 3 hit y 1 careda limpi, pochando 2 bateador. Jomark ta wordo releva pa Jair Thompson kende ta lansa 18 bola y 19 strike y no ta permiti hit ponchando 5 bateador. Pa Macuarima Indians Benjamin Geerman ta habri y ta permiti 6 careda. Benjamin ta wordo releva pa Eudomar Toyo kende ta lansa 15 bola y 22 strike permitiendo 2 careda y no ta poncha ningun bateador. Mihor bateadornan den e di dos wega pa Selecion di Aruba ta Jayson Orman 3-2, Deyon Peterson 2-1, Filbert Thiel y Djurwin Croes ambos di 2-2. Pa Macuamrima Indians Darl Quandus di 2-2 y Edgard Flanegin di 2-1. Dialuna awor weganan ta continua riba veld di Flatsone cuminsando pa 715pm. Softball den pleno desaroyo.