Tin hende cu no ta gusta papia di edad, ni sikiera nan kier bisa e berdad. Pero e bon ta, embehece cu gracia, acepta e edad cu bo tin y vooral, sinti bo mes bon cu e edad cu bo tin, pasobra loke tai mporta, ademas di tin un bon salud, ta pa ta bon cu bo mes.
Nos tur kier luci bon a medida cu nos ta embehece. Actualmente tanto hende homber como hende muhe ta desafia embehecimento pa luci mas hoben, mientras cu e tempo ta pasa. Pero, realmente ta necesario? No ta bal la pena tin cu pasa door di cirugia ni door di tratamentonan antiembehecimento pa sinti bon cu bo mes. Aumenta e confiansa den bo mes, ta fundamental, sin tin tanto na cuenta e belanan cu lo bo tin cu supla den bo proximo cumpleaños. Peero, cualnan ta e secreto di hende cu ta embehece cu gracia? No perde algun di nan…
Secretonan di hendenan cu ta embhece cu gracia
1.No cuida bo cuero cu productonan di luho
Solamente nan ta enfoca den tres producto basico pa cuida e piel: e protector solar, e retinoidenan y un crema hidratante di acuerdo cu bo cuero. Asina e cuero lo luci hopi mas hoben compara cu esnan cu no ta uzanan of cu ta opta pa productonan caso di beyesa. E derivadonan di vitamina A ta actua riba bo cuero, stimulando e colageno impidiendo pa e lachinan sali demasiado pronto.
2.Ehercita
Cualkier cu ta bo motivacion pa ehercita bo mes (sinti bo mes bon, reduci stress, perde peso… Bo por agrega otro na bo lista: permanece hoben). Ta existi estudionan riba adultonan mayor cu ta demostra cu esnan cu ta ehercita tabata sinti nan mes mas hoben. Haci ehercicio ta mantene bo hoben paden y pafo. Ta posibel cu bo a scucha algun biaha cu haci deporte manera core, por causa lachi y flacides, no ta realidad. Si bo gusta core, core…. Si bo gusta landa, landa. Scoge e deporte of e ehercisio cu bo gusta y simplemente haci’e. Aunke ta pa haci ehercisio na cas.
3.No sconde tras di make up
Si bo tin lachi, manchanan scur riba bo cuero of un saco bao di bo wowo, ta posibel cu tin e tentacion pa scoge un bon makiyahe y hunta henter bo cara. Pero e tecnica aki ta faya ya cu e makiyahe no por cubri completamente e embehecimento. Bo por uza makiyahe pa disimula algun imperfeccion pero bo no por sconde e señalnan di embehecimento.
4.Cuida bo mannan
Bo cara y bo mannan ta dos parti di curpa cu ta ricibi mayoria di e rayonan di solo. P’esey ta necesario pa bo enfoca pa tin bon crema hidratante. Tin esnan cu ta centra den cremanan antiembehecimento of bon cremanan hidratante pa trata e cara pero ta lubida e mannan. E mesun productonan exacto cu bo ta uza pa bo cara, bo por uza tambe pa bo mannan. Asina ta cu semper cu bo bay uza un producto pa e cuidado di bo cara, uz’e tambe pa e cuidado di bo mannan. Lo bo keda sorprendi con bo mannan lo cuminsa ta miho cuida y lo mustra hopi mas saludabel.
5.Tin confiansa den bo mes
Personanan cu ta embehece cu gracia, tambe tin algo en comun: e confiansa. No haci nada cu e idea cu bo ta haci pa parce mas hoben, pasobra esaki por causabo frustracion y tambe comete erornan den bo estilo di beyesa. Si realmente bo ta sinti bon cu bo mes, lo bo mustra mas hoben den bida y dilanti tur esnan casi sin cu abo mes ripara. Bo actitud ta fundamental, hopi mas cu cualkier crema milagroso.
6.Revisa bo estilo
Ta necesario renoba e estilo de bes en cuanto pa sinti bon cu bo mes. Hopi hende kier cambia su rutina di estilo pero ta sinti miedo pa haci’e malo. Den e caso aki, lo ideal ta pensa den e mensahe cu lo manda mundo segun bo estilo. Haya esun dibo, cu ta funciona cubo y cu bo forma di mira bida. Den occasion, e corta di cabey corecto y un bon bistimento por haci maraviya, no solamente den bo apariencia, sino tambe den bo salud. Den un estudio di 2010, e muhenan cu tabata tiña nan cabey di colornan cu nan tabata gusta of haci cortenan di moda, tabata parce mas hoben y tabata tin un presion arterial mas abao, sintiendo nan mes saludabel.
Y no lubida di drumi e oranan suficiente cada dia.
Fuente: www.bekia.es