CALI, Colombia – Te na e momento, seis persona a muri y tres mas a resulta herida den un derumbe den e ciudad di Cali, Colombia, autoridadnan a raporta. Un di e heridonan ta un baby di algun luna bieu. E evento di “remocion en masa” a sosode den e bario Siloe, segun Conseho Municipal di e Gestion di Riesgo di Desaster di e ciudad aki a reporta.
“Na e momentonan aki nos a saca seis cadaver, nos a remiti tres perosna den diferente centronan di asistencia, incluyendo un menor den estado stabil,” Rodrigo Zamorano, coordinador municipal di e Gestion di Riesgo di Cali, a indica.
Autoridadnan local ta adelantando e proceso di lantamento y identificacion di curpa, mientras e entidadnan operativo local, Cruz Cora, Defensa Civil y bomberonan ta traha cu famianan cu a resulta damnifica. A informa cu tin dos vivienda distrui.
“Nos ta traha na e momentonan aki cu seis mashin di bombero, Defensa Civil, Cruz Cora y expertonan di e area confina, tur di nan coordina for di e puesto di mando Unifica, coordina pa e Secretaria di Gestion di Riesgo di Cali,” e funcionario a añadi.
Fuente: CNN en Español