Bo tabata sa cu jello por ta un aliado pa bo salud y di bo wesonan? Danki na su aporte di proteina e ta yuda nos di baha e riesgo di sufri di artritis.
Jello ta un espesante natural cu ta wordo uza den cushina pa traha dessertnan dushi y un variedad grandi di recetanan.
Ta trata di un substancia sin color y semi solido, cu door di su composicion nutriciona, ta brinda beneficionan interesante na e organismo.
E ta wordo haya, despues cu e tehidonan conectivo di bestia wordo procesa, pa cual e ta rico na colageno, aminicacido, vitamina y mineralnan.
Aunke e la wordo emplea cu finnan medicinal, desde cientos di aña, hopi ainda ta consider’e simplemente un chucheria.
Pa tal motibo, na e ocasion aki nos kier a recopila 6 bon motibo pa añadi jello na bo dieta regular pa promove bienestar.
1. E ta mehora e salud digestivo
Jello ta forma parti di e grupo di alimentonan hidrofilo. Esaki kiermen cu su composicion ta atrae e likidonan, incluso despues di a wordo cushina.
• Esaki ta haci cu e ta un bon aliado pa bo salud digestivo, ya cu e ta retene juicenan gastrico pa promove e digestion di alimentonan.
• su asimilacion den e organismo ta yuda na mehora e movimento intestinal, evitando problemanan manera bariga constipacion (bariga cera)
• -Pa su aporte di glicina, e ta ideal pa restaura e vet di e muraya estomacal, evitando ulcera y gastritis
2. E ta yuda desintoxica e higra
Aunke tin hopi alimento saludabel pa stimula e limpiesa di e higra. Ta bon pa sa tambe cu jello ta un opcion grandi den e proceso aki.
• Glicina, un di su aminoacido esencial, ta yuda na kita e toxinanan cu ta afecta su tehido, dificultando su bon funcionamento
• E sustancia esencial aki ta apoya e actividad di tur e organonan excretor di e organismo, pa cual ta resulta necesario pa limpia e sanger
• Su absorcion ta para e efectonan novicio di e radicalann liber, cu ta yuda drecha e daña celular.
3. Ta baha inflamacion
E aminoacidonan esencial cu ta wordo haya den jello por yuda na ekilibra e proceso inflamatorio di e curpa, bahando e severidad di algun dolor y malesanan cronico
• Glicina, su aminoacido principal, ta un anti- inflamatoriom cu entre otro, ta baha e presencia di procesonan infeccioso
• E sustancia aki, uni na e anti oxidante, ta drecha e tehidonan daña y ta yuda na evita un atake di bacteria
• Mester menciona cu, door di su contenido halto di proteina di balor biologico halto, e ta un alimento cu ta minimisa e dolornan di weso y articular, specialmente ora cu esakinan ta origina door di e desgaste di su kraakbeen y su spiernan
• Door di agrega e producto aki den bo dieta, e ta reduci e risico di artritis y osteoartritis
4. E ta aumenta bo nivel di energia
A pesar di ta un alimento abao den caloria, e jello ta un energetico natural cu ta yuda na mehora e productividad fisico y mental, specialmente ora cu e cansancio matinal cuminsa aparece.
• E ta consisti di 90% di proteina di calidad halto, cual ta aumenta e nivel di energia, optimizando e funcionnan metabolico di e curpa
• Su asimilacion ta contribui na mehora e formacion di e masa muscular y ademas e ta mehora e rendimento deportivo
• Ta miho pa e celulanan probecha cu mayor facilidad, ya cu su aminoacido no ta dificil di absorbe
5. Ta yudabo drumi
Personanan cu tin dificultad pa drumi na un forma adecua por soluciona e incoveniente aki consumiendo un poco di jello como parti di su alimentacion
• E ingrediente aki cu su aminoacido ta yuda mehora e produccion di melatonina, un tipo di hormoon asocia cu e bon calidad di soño
• Tambe e ta aporta mineralnan cu ta yuda relaha e musculonan, bahando e aparicion di calambernan nocturno
6. E ta fortalece e sistema inmunitario
Jello ta un di e recursonan alimentario cu ta wordo uza den hospital y centronan di salud cu ta yuda den e recuperacion di e pashentnan cu ta malo.
Ta un hecho, cu durante añanan a recomenda e preparacion como complemento nutricional pa alivia e dolornan mas comun
• Esaki ta debi na su contenido halto di vitaminanan C y D, ademas di mineralnan manera calcium, cual ta mehora e funcion inmunitaria di e curpa
• E nutrientenan esencial aki, ademas di su proteina, ta participa den e formacion di anticurpa pa lucha contra di bacterianan cu ta causa malesanan.
• E no ta contene vet ni colesterol, pa cual e ta representa un forma ideal di prevencion di griep, verkoud y otro afeccionnan asocia na e weerstand abao