Durante un ceremonia cortico na e Kustwachtcentrum, seis aspirante di Kustwacht a ricibi nan certificado pa e asina yama Kustwacht Specialisatie. Kustwacht a uni su mes na e opleiding di e Academia di Polis na Boneiro, caminda tambe miembronan di Cuerpo Policial y Koninklijke Marechaussee a participa. Despues di un estudio di dos aña, nan por ricibi nan diploma di polis riba nivel MBO-3 despues di algun siman. Cu conclusion di e module di kustwacht, caminda entre otro leynan specifico di operacionnan di abordahe y lama cu tabata para riba e programa, nan ta habil pa bay traha na e puntonan di sosten di Aruba y Corsou. Cursista Joel Thokaai a wordo nombra como e miho studiante di e curso y a wordo poni riba spotlight pa e hefe di e curso, Raymon Rodie. Director suplente di Kustwacht, Hans Schreuder tabata hopi orguyoso di e prestacion di e miembronan nobo di kustwacht. “Bosonan ta e futuro di Law Enforcement riba lama. Nos ta orguyoso di boso. Percura pa nos keda orguyoso y tambe e otronan, pafo di Kustwacht, bira orguyoso di boso.”