Pa basta tempo caba personanan cu tin autonan clasico, joyanan riba caminda cu un biaha pa luna of un biaha pa siman, nan ta saca e autonan aki y core. Por wak diferente desfile caminda cu nan ta participa y por aprecia e bunitesa di e autonan aki.
Segun parlamentario di fraccion di AVP, Donny Rasmijn, e autonan aki ta costa hopi placa pa mantene nan. Nan piesanan ta hopi caro. Nan ta special items y nan no ta participa constantemente riba nos camindanan. Nan no ta wordo cori tur ora y hopi biaha e peticion a bin aden pa reduci e belasting di plachi di number pa nan. Esaki lo ta un bon momento pa haci’e y e ley por wordo cambia. Por cambie tambe den Parlamento via un amienda. Un cos ta importante si, pa haya sa kico ta determina cu un auto ta clasico of no.
Na Inglatera por ehempel prome nan a cuminsa na bisa cu un auto cu ta mas di 20 aña bieu. Despues nan a pone 25 aña, despues nan a pone autonan di 1973 bay abao. Con cu wak’e, tin diferente pais cu tin areglo y ta interesante pa wak kico e ta. Por bay haci un investigacion chikito wak con ta califica e autonan aki como classic cars y esaki ta un bon momento pa por haci e cambio aki. Fraccion di AVP lo bay traha riba e parti aki pa wak con ta logr’e, segun Donny Rasmijn.