Pa mediador di gobierno, sr. Anselmo Pontilius, por wak cu e tema di refineria, caminda tin un cantidad grandi di trahadonan cu lo haya trabao den e refineria. Hunto cu IOUWA y Minister di Labor, a reuni caminda nan a recomenda varios punto hopi importante, cual ta e parti di siguridad, e parti di cumplimento di nos leynan tanto di pago di prima di belasting. Esaki ta un punto hopi importante pa sigui di cerca.
Loke lo hunga un rol hopi grandi, ta cu si tin incentivo di e dunado di trabao, percura pa tin mas programa pa entrena e trahadonan na pia di trabao pa e trahado sa mas di su responsabilidad pa cumpli cu su trabao cabalmente y na mes momento ta prepara e trahadonan pa asumi cargonan cu ta bay ta habri pa gruponan di trahadonan di ariba 60 aña bay ariba. Aunke e edad di pensioen di 65 aña, hopi empresa ainda ta y lo sigui reduci personanan di 60 aña. Esaki mester tene na cuenta con ta atende cu esaki como pais. Di otro banda lo bo haya bo confronta cu un situacion unda lo mester atende atrobe cu fluho di migrantenan si dado momento un sector Horeca lo perde un cantidad di trahado lo perde un cantidad di trahadonan cu kier bay traha den refineria pasobra e contratista kier paga mas, pregunta ta keda cu ken lo bo reemplasa e bashi si un cantidad grandi di trahado bay for di e compania.
Esaki ta un combinacion gobierno, dunado di trabao y sindicatonan pa wak e mercado laboral hopi di cerca pa no haya presion pa motibo cu lo bin un demanda pa un periodo chikito. Pero toch ta importante pa wak esaki y no lag’e tuma nos di sorpresa.