CARACAS, Venezuela – Un grupo di funcionario di Servicio Bolivariano de Inteligencia (Sebin) ta mantene nan mes rodeando e sede principal di Empresas Polar, e mayor productor di alimento di Venezuela, fuentenan di e compania a denuncia.
Medionan local a indica cu e mesun situacion ta ripiti na cas di e doño di e empresa, Lorenzo Mendoza, ubica oost di Caracas.
“Nos no sa kico nan kier, solamente cu nan ta bisa cu ta spera ordennan superior,” un fuente di Empresas Polar a bisa Efe.
E situacion ta tuma luga un dia despues cu e oposicion Venezolano reuni na e Mesa di Unidad Democratica (MUD) a convoca un welga general di 12 ora pa protesta contra e Gobierno di Nicolas Maduro pa e suspension di e proceso pa activa un referendum pa revoca su mandato.
Maduro a anuncia cu su Gobierno lo haci un inspeccion na e empresanan di e sector agroindustrial y farmaceutico di e pais diabierna y esun cu rechasa e welga lo wordo “recupera pa e clase obrero.”
“Empresa para, empresa recupera pa e clase obrero (…) mi no ta bay duda ni mi ta bay acepta ningun tipo di conspiracion,” el a bisa.
Polis a ricibi menasa di e Gobierno di Maduro cu a adverti nan cu si nan no produci of acapara alimentonan nan lo wordo expropia pa e Estado.
Luna pasa, director general di e seccion di alimento di Polas, Manuel Larrazabal, a informa cu e produccion di e compania aki a experimenta un caida di 30% den loke ta 2016 pa e “acceso insuficiente” na materianan prima origina, nan ta sigura, pa un “trato desigual y discriminatorio” di parti di Gobierno.
E representante di Alimentos Polar a splica cu e empresa ta sigui sin haya, di parti di Gobierno, e divisanan pa para na su proveedornan, pero a señala cu nan tin informacion di otro empresanan di e industria cu si tabata tin acceso pa importa, loke ta cualifica di “discriminatorio contra e empresa y su trahadonan.”
Den e mesun rosea, Polar a denuncia cu varios di su trahadonan a wordo deteni den e utlimo lunanan y otronan di su sedenan den e interior di e pais a ricibi bishitanan inespera di parti di organismonan di siguridad.
Fuente: El Universal