AMSTELVEEN, Hulanda – Un grupo di homber mascara a saca unhomber for di un auto diahuebs merdia na Amstelveen y a bay cun’e den un otro auto. Aunke cu polis oficialmente no a papia di un secuestro, e incidente ta mustra tur indicacion cu ta asina. “Na e momentonan aki nos no a descarta nada,” un vocero a bisa.
“Nos ta tumando na cuenta cu tur scenario. E por bay riba un mal joke di scol of un secuestro serio caminda cu hendenan por ta envolvi cu no ta gusa otro,” segun e vocero.
Pa mas of menos 5’or y 15, polis a wordo yama door di testigonan, cu a mira con un homber a wordo saca for di su Volkswage door di algun homber cu muts. Esaki a sosode riba parkinglot di Van der Hooplaan na Amstelveen. E homber a wordo pusha den un otro auto y cu velocidad halto a sigui su caminda. Di e sospechosonan y e homber secuestra, no tin ningun pista.
Fuente: De Telegraaf