SANTIAGO DE CHILE, Chile- E politico conservador y empresario politicio, Sebastian Piñera, diadominga a wordo huramenta pa di dos biaha como president di Chile. E ceremonia di huramentacion a tuma luga den Congreso, na Valparaiso, dilanti di 1400 invitado.
“Mi ta jura”, Piñera a bisa. Ya caba Piñera a goberna Chile entre 2010 y 2014, ora cu e president di Senado, e socialista Carlos Montes, a puntr’e: “Bo ta hura of priminti di desempeña fielmente e cargo di president di Republica, di mantene e libertad di e nacion, cuida e constitution y nos leynan?
Despues, president saliente, Michelle Bachelet, a entrega e banda presidencial na Montes, cu a procede di bisti Piñera esaki, cu no a bay sin su problemanana, pa cual Bachelet puntr’e si e mester di ayudo.
Despues di a toca e himno nacional, Bachelet, su ministernan y colaboradornan a bandona e sala sigui pa e huramentacion di e ministernan di e president nobo, dirigi pa Andrés Chadwick como minister di Interior y Siguridad Publico, cargo cu ya caba el a desempeña den e gobierno anterior di Piñera.
Fuente: https://www.efe.com