Scol di polis tin hopi opleiding planea pa nan cuminsa of sigui cu nan. E scol di Polis no ta necesariamente e scol pa polis so. Tin varios otro departamento manera KIA cu ta haci uzo di e scol di Polis. Alto Comisario di Polis, Sr. Andrew Hoo, ta amplia.
No mester lubida cu e otro cursonan cu ta sigui. Mester sigui refresca e OVJ, mescos cu e kader, midden- kader y hoger kader opleiding, cu ta wordo duna pa hisa e nivel di e polisnan actual. E klasnan ey tambe ta yega. Tur esaki mester tene na cuenta y na augustus e klas di 2018 tambe ta bay cuminsa. Ya caba gobierno a duna su aprobacion pa cuminsa recluta pa 2019.
Por ultimo, pa un hoben bira polis, e mester sinti’e den su curason. No bira polis pasobra cu bo ta haya un trabao y un salario. Pa ta polis bo mester sinti’e den ‘hart en nieren’. Si e hoben no ta sinti esey, e ta fout bezig. Pasobra ser polisi ta rekeri hopi sacrificio, di bo mes y di bo famia. E ta un responsabilidad hopi grandi cu bo mester carga.
Si bo no ta sinti cu bo ta cla pa esaki, no bira polis, e lo ta un mal decision, segun Sr. Andrew Hoo, Alto Comisario di Polis.