AMSTERDAM, Nederland – Diaranson Schiphol a interumpi su funcionamiento door di un fayo tecnico, segun el a informa ariba su cuenta oficial di Twitter.
Segun e tweet, e ekipo di control di e instalacionnan ta investigando e causa di e problema. Schiphol ta recomenda e pasaheronan pa verifica e estado di e vuelonan riba nan portal.
Luchtverkeersleiding Nederland, e agencia cu ta supervisa e trafico aereo na Hulanda, a informa di cu tabata tin un eror den e sistema di comunicacion di trafico aereo.
Pa mas o menos 1 or di merdia (hora di Hulanda) desde Schiphol a drenta e informe di cu tanto trafico aereo como esun saliente a wordo reestableci.
Schiphol ta conseha biaheronan pa keda check pa update ariba su website y su app of pa tuma contacto cu e compania biahero pa e status actual di nan buelo.
Despues di un mei ora, vuelonan cu a wordo desvia por a drenta y un rato despues, e prome vuelonan por a aterisa.
E trafico aereo riba The Hague Airport na Rotterdam tambe a paralisa un rato door di un fayo tecnico den e sistema di e control aereo. Al parecer, Eindhoven Airport no a wordo afecta pa e fayo tecnico aki.
Fuente: https://nos.nl