Mogadiscio, SOMALIA- Desnutricion y mal higiena awo ta un epidemia di sarampi den e muchanan refugiadonan di Somalia ta forma un peliger pa nan. E aña aki ya caba tabata tin 5700 casonan di infeccion raporta. Esaki ta mas cu henter aña 2016. Di tur e malesanan cu tin vacuna pa nan, sarampi ta esun mortal.
Vooral den e parti sur di Somalia, afecta pa sekia, e preocupacion ta mas grandi. Unicef a cuminsa un campaña di salbacion hunto cu su socionan na Baidoa, un ciudad cu ta wordo inunda door di personanan buscando ayudo. Siman pasa 30 mil mucha te cu 5 aña a wordo vacuna. Pa fin d Mei otro 80 mil mucha lo mester haya nan vacuna den e region ey, mas un kwart miyon den e parti noord di e pais.
“Un mucha desnutri ta core hopi mas risico di muri di sarampi cu un mucha sano. No tin tempo pa perde”, segun declaracion di Steven Lauwerier, director di Unicef na Somalia.