Conferencia “Educacion como base di derechonan di mucha” ; Princesa Laurentien ta instala Conseho di Mucha na Boneire. Profesionalnan di tur skina di Reino e aña cu a pasa a cuminsa desaroya un vision riba educacion positivo den e parti Caribense di Reino. Esakinan ta e piedranan di construccion pa e conferencia “Educacion como base
pa derecho di mucha”, cu lo tuma luga dia 7 y 8 di maart 2017 na Boneire. Riba e prome dia di e conferencia SAR Princesa Laurentien, fundado di Missing Chapter Foundation, lo guia un sesion di dialogo cu profesionalnan y mucha. Durante di e brindis di netwerk riba 7 di maart princesa Laurentien tambe oficialmente lo instala e Conseho di Mucha na Boneiro. E conferencia “Educacion como base di derecho di mucha” ta un iniciativa di e Taskforce Derechonan di Mucha di paisnan di Reino, den cua Aruba, Corsou, Sint Maarten y Hulanda ta representa. Banda di representantenan di e paisnan aki Hulanda Caribense tambe ta tuma parti na e conferencia. E meta mas importante di e Conferencia di Educacion ta pa como Reino formula un vision riba educacion positivo, pone esaki den practica y hunto expande. E Taskforce Derechonan di Mucha den Reino ta stimula cooperacion y intercambio di conocemento den Reino riba tereno di derecho di mucha. Ultimo tempo, den cooperacion cu UNICEF Hulanda, a tene debatenan riba e seis islanan cu mucha, mayor, hende cu ta cuida, docente, y profesional tocante educacion positivo y pa combati violencia den educacion. E Conseho di Mucha, un iniciativa di Missing Chapter Foundation y UNICEF Hulanda, ta forma parti di un trayecto pa mehora derecho di mucha den e parti Caribense di Reino. Cu e Conseho di Mucha structuralmente e muchanan ta pensa hunto cu companianan y organisacionnan tocante preguntanan strategico y social. Ministerio di Asuntonan Interior y Relacionnan den Reino, via un subsidio na UNICEF Hulanda ta cofinanciado di e Conseho di Mucha na Hulanda Caribense. Entretanto tin mas cu setenta organisacion y scol den Hulanda Caribense, Aruba, Corsou, y Hulanda envolvi den Conseho di Mucha. Pa mas informacion tocante e Conseho di Mucha bishita e pagina di Facebook
https://www.facebook.com/kidscouncil.raadvankinderen/