BOGOTA, Colombia – E presidente di Colombia, Juan Manuel Santos a sigura awe cu dia 1 di Juni proximo, lo caba e 180 dianan premira pa FARC entrega tur arma na e mision di Nacionnan Uni, encarga pa ricibi nan.
“Pa dia 1 di Juni – ora cu cumpli 180 dia desde e yamado “D Day” – tur e armanan di FARC cu a atemorisa nos poblacion lo ta den poder di Nacionnan Uni. Ki gran logro pa Colombia y pa mundo!”, e mandatario a afirma ora el a ricibi e cartanan credencial di e embahadornan di 28 pais.
Den e acuerdo di paz firma dia 24 di November, Gobierno y FARC a fiha un periodo di 180 dia pa e dehacion di arma y demobilisacion di e guerilla aki, cu a converti despues den un partido politico.
E 180 dianan a cuminsa na conta dia 1 di December, pero problemanan logistico a retrasa na e yegada di mas di 7 mil guerillero di FARC na e zonanan veredal transitorio di normalisacion (ZVTN) unda cu mester reuni como paso previo na e dehacion di arma.
Sin embargo, Santos a sigura cu den e proximo dianan lo drenta e ultimo guerillero di FARC y ZVTN.
“Loke nos a mira den e dianan aki ta e marcha di speransa. Centenas y centenas di persona canando, yegando den bus, truck, auto, pa un comienso di un bida nobo,” el a expresa riba e mobilisacion di FARC.
Na e mesun momento, e presidente a gradici na e nacion y organisacionnan di e cuerpo diplomatico su contribucion y respaldo constante na paz di Colombia y e anuncio apostolico y decano di e cuerpo diplomatico, Ettore Balestrero, pa su “voz di aliento” den henter e proceso.
E nuncio a afirma cu e comunidad internacional tin cu sigui colabora cu e Gobierno Colombiano pa logra paz debi na e necesidad di cumpli cu e cronograma stipula den e acuerdo firma cu FARC.
“Colombia a logra disminui e pobresa extrema y (alcansando) e crecemento di e clase media, pa loke e contribucion internacional tin cu sigui pa logra e cumplimento di e cronograma di paz,” el a agrega.
Balestrero a sigura cu e polarisacion di e poblacion mundial ta un gran problema y pa e desafio di Colombia ta logra e identidad y cohesion di tur su ciudadanonan, locual ta rekeri “ayudo pa tur” pa reestablece e confiansa den e base di e reconciliacion.
Di e manera aki tambe, el a afirma cu “e no violencia debi na e estilo nobo di politica pa paz y e guia di su accionnan tin cu basa riba solidaridad.”
Fuente: http://www.elnuevodiario.com.ni (El Nuevo Diario)