Santa Rosa tin hopi planes pa conserva loke nos tin y mescos lo ta bay duna giua na scolnan segun Sra. Nathaly Maduro, directora di Santa Rosa.
Tin hopi sistema nobo cu a bin y di parti di Santa Rosa nan ta purba enfoca pa purba na wak con bo por diseña bo cas rond di e naturalesa, y no e naturalesa rond di bo cas. Tin cierto areanan cu tin hubada, cu ta un mata cu ta crea hopi problema, e ta un mata eigenlijk no productivo, pero di otro banda, bo tin e fauna cu ta uz’e como proteccion.
Den cura di cas e mata di hubada no ta wordo aprecia. Pero di otro banda, purba di busca informacion y pa loke ta e hobennan, trahando cu Biblioteca Nacional den nan programa di Green Educational Symposium unda Santa Rosa ta bin cu diferente topiconan, pa conscientisa e hobennan na scol.
Hopi biaha a base di peticion di scolnan, Santa Rosa ta bay duna charlanan na scol. Tin ora ta dificil pa traha un agenda, ya cu e curiculum na e scolnan ta yen. Pero hopi biaha, Santa Rosa ta bay na e scol, ta duna informacion of e muchanan di scol ta bin eynan, nan ta haya rondleiding y nan ta haya un presentacion cortico despues.
Si nos no conserva nos areanan unda cu tin un concentracion mas grandi di naturalesa, e ta bira un reto hopi grandi. Te hasta na e huurgrondnan, hopi di e cunukeronan, ora cu e haya un huurgrond y kisas e no a wordo uza pa hopi aña, prome cu yega y roza pa loco, purba di wak ki tipo di mata tin y con e lo por yuda.
Pero atrobe, ta wak cu desaroyo ta bin cu su prijs hopi halto. Y tur hende kier un cas, tin hopi interes awo pa negoshi. Locual cu mester tene cuenta si cu ta wak eigenlijk, ta purba na motiva na comercio, pero tira bista riba supermercadonan grandi, of gebouwnan grandi cu ta wordo traha un banda di otro.
Nos como Arubiano, mester bira consciente, e por ta un tereno cu ta eigendom y ta cada ken nan derecho pa bende nan tereno. Pero purba na wak si enberdad, kico otro por haci cun’e, enbes di traha cas. Kisas tin otro proyectonan cu on the long run, ta mas rendabel.
Ta hopi jammer, pa wak cuanto terenonan grandi cu ta eigendom, ta wordo roza, cu matanan cu no tin hopi mas na Aruba, pero cu despues ta pasa e tereno ta full asflata of yena cu klinkers. Si sigui asina, aki paar di aña e lo tin consecuencianan negativo pa loek ta nos naturales, segun Sra. Nathaly Maduro, directora di Santa Rosa.