Dialuna ultimo San Nicolas Taekwondo Center a celebra nan Cena di Pasco y a entrega varios premio na e atletanan cu mas a destaca den 2016. Master Eric Barry a tuma e tempo pa gradici tur e mayornan cu a kere den su persona pa asina e guia nan yiunan den Taekwondo.
San Nicolas Taekwondo Center a haya un bon push e aña aki cu e ayudo di Sr. Shaul Illidge kende ta bin for di pabou di brug te cu San Nicolas y a wordo ricibi cu dos man habri cerca Master Eric Barry. Un ayudo asina no ta bini tur dia y awor cu e ayudo aki sigur San Nicolas Taekwondo Center lo bin mas duro den 2017.
Master Eric Barry a entrega sr. Shaul Illidge un plakkaat como muestra di aprecio y dedicacion pa e deporte di Taekwondo. Master Eric Barry a entrega premio na e atletanan cu mas a destaca den 2016;
Best atleta femenino infantil di aña 2016 a sali Jewell Illidge.
Best atleta masculino infantil di aña 2016 a sali Jonathan Charles.
Atleta mas disciplina 2016 a bay pa Ramichka Wilson.
Atleta Rookie of the year 2016 a bay pa Myron Adams.
Best fighter 2016 Samuel Jones.
Manera tur aña Master Eric Barry ta rifa varios basket entre e mayornan y e siguiente mayornan a gana nan basket;
Famia Molina.
Famia Brown.
Famia Dunluck.
Famia Abath.
Famia Illidge.
Master Eric Barry y atletanan di San Nicolas Taekwondo Center ta desea henter pueblo di Aruba un Bon Pasco y un Prospero Aña 2017 y ta avisa tur e atletanan cu les lo cuminsa bek dialuna dia 9 di Januari 2017.