San Nicolas Taekwondo Center a celebra nan Cena di Pasco

0

San Nicolas Taekwondo Center a celebra nan Cena di Pasco na grandi. Tur aña Master Eric Barry ta celebra esaki na grandi, sea na San Nicolas of na Oranjestad, unda cu e moneda cay nan ta bay. E biaha aki nan a celebra nan Cena di Pasco den Renaissance Convencion Center.

Un anochi agradabel hunto cu e atleta, mayornan y algun invitadonan special pa celebra na grandi manera e custumber di tur aña. Master Eric Barry semper ta corda cu for di dia cu el a habri e scol tur esaki ta pa yuda mantene e nomber di San Nicolas y tambe pa contribui bek cu e comunidad. Un cena manera esaki ta un tradicion pa Master Eric Barry y ta pesey e ta traha hunto cu tur su atletanan manera cu nan merece. Master Eric Barry a gradici tur hende presente cu a yega pa celebra e dia hunto cu nan.