Diamars, dia 26 di juni San Nicolas Business Association lo tene su prome Town Hall Meeting, unda cu nan ta invita e comunidad pa bin tende tocante nan Plan di Transformacion Nacional.
Tocante e plan aki, SNBA kier informa e comunidad ya cu nan no kier pa e ta limita solamente na directivca cu lo reuni cu gobierno, etc. Nan kier invita comundiad y haya respaldo di comunidad pa nan sa kico ta pasando. E comunidad di Aruba completo ta invita.
E Town Hall Meeting aki lo tuma luga diamars pa Centro Sta. Theresita.
For di e mapa di transformacion nacional, cu ta wordo yama nacional ya cu e no ta limita na San Nicolas so. Pero na e comunidad en general di Aruba. Loke nan ta enfoca ariba dje ta e dos areanan di transformacion.
Un di nan ta innovacion, cual ta palabra cu ta wordo uza pa tur hende awendia. Pa SNBA innovacion kierment trece cambio dne un forma acelera. E di dos, otro tereno cu nan ta enfoca ariba dje, di area di desaroyo y crecemento ta cultura. Cultura pa motibo cu ora cu’n pais cay den un desaroyo (modern),hopi biaha nan ta lubida ken nan ta.
Esaki ta loke a pasa na Aruba ora cu a haya tanto hotel for di 1988 bin awo. Hopi ta puntra unda e cultura di Aruba a keda, nos tradicionnan, nos norma y balornan. Nos a perde nan, pero kico a bin na su luga?
Si nos kier innova y tin un luga den e era di globalisacion, den economia mundial, nos mester bay pero cu’n identidad, unda ta bisa cu esey ta Aruba, esey ta nan identidad. E di dos parti ta hopi importante, si nos kier bay ariba nivel di innovacion y conecta esaki cu nos cultura tambe.
E tema desaroyo pa San Nicolas semper ta manera un cabay di troja. Desde di tempo di refineria, ultimo 25 añanan, no a concentra ariba esaki. Nunca tabata tin un plan B pa San Nicolas. Awo e Plan Nacional ta bin afo, pero ken ta bay page.
E falta di continuidad ora cu e gobierno di Aruba, a cambia, ta algo cu nos a experiencia for di Status Aparte te cu aworaki. El a costa nos pueblo hopi placa. Un gobierno a haci un manera, e otro no ta haci’e. Tin asina hopi Proyecto cu ta para y pa cuminsa di nobo. Loke SNBA ta propone pa e plan aki tin continuidad ta bin cu’n San Nicolas Downtown Authority. Cu eskai, nan kiermen, cu mescos cu tin Aruba Tourism Authority, Aruba Airport Authority, Aruba Port Authority, nan kier bin cu’n San Nicolas Downtown Authority, cu e ora ta bay trece cun’e, cu e ta pasa den parlamento, e ta wordo nombra oficialmente. E ta wordo ekipa cu profesionalnan. Y nan ta encarga pa ehecuta e plan cu ta wordo nombra door di gobierno.
Esey ta mescos cu aworaki, airport ta inverti 50 miyon florin y awo tin un plan cu ta bay den careda di 100 miyon, cu ta inversionnan substancial cu ta wordo acepta ya cu airport ta un sector masha importante pa Aruba. Esey ta den e liña di pensamento pa e Downtown Authority pa San Nicolas mester ta algo asina. E ta haya un plan pa ehecuta y e ta zorg pa ehecucion, sin importa cual gobierno sinta.
Pa loke ta e placa pa e plan aki, SNBA a bin cu expertonan ora nan a bin cu e plan aki. Y un di e expertonan cu nan a busca pa yudanan cu esaki, tabata dr. Jaime Croes. Dos gobierno pasa, dr. Jaime Croes tabata representante di Aruba den Union Europeo pa 8 aña largo. Y den e caudro ey e sa cu Union Europeo ta un laberinto. Si bo no sa bo caminda, ta dura masha hopi tempo mes, prome cu bo haya sa unda e potchi placa ta cu por yudabo. Pero su experticio, SNBA a haci un apelacion ariba dje, pa yudanan. Y nan tin un carta manda pa gobierno, unda ta bisa cu no necesariamente e cos aki mester costa Aruba placa. Tur hende sa cu tin burocracia, pero si nan logra traha un plan segun exigencianan di Union Europeo, e ta dura 6 luna. Si nan somete e plan e ta dura 1 aña pa aprobacion. Esey kiermen cu pa aki aña y mei nan tin un suma. E por zona optimista, pero tameb realista.
Pa aki dos aña, bou di e gobernacion aki ainda, gran parti di e plan por wordo realisa, segun Sr. Mario Croes, secretario di San Nicolas Business Association.