TECNOLOGIA
Samsung Galaxy S6 y S6 Edge lansa na 2015 ta bisa ayo na actualisacionnan mensual di siguridad. E compania oficialmente a cumpli cu e apoyo di tres aña pa e telefonnan aki, pa cual nan lo no ricibi coreccion ariba fayo di sistema, según e portal di Samsung.
Lansa inicialmente cu Android Lollipop, Samsung a actualisa su telefonnan Nougat y recientemente via e portal di T-Mobile, por a lesa cu e telefonnan aki lo ricibi Android Oreo. Sin embargo, e pagina di actualisacion di di Samsung a indica cu e telefonnan cu lo sigui ricibi actualisacion di siguridad mensual no ta inclui Galaxy S6 of S6Edge.
E portal DroidLife tabata un di e promenan pa reporta e situacion di e Galaxy S6 y S6Edge. Un detaye importante ta su cu bo tin e version di Galaxy S6 Edge Plus of S6 Active, bo no tin mester di preocupa. E telefonnan aki a wordo lansa algun luna despues, pa cual nan lo sigui ricibi algun actualisacion mas di siguridad.
E actualisacionnan mensual di siguridad ta wordo duna door di Google na e fabricantenan di smartphone, kendenan ta adapta esakinan pa nan no haya e fayonan ya conoci. Esaki ta importante pasobra cu si Google of e fabricantenan haya un buraco den siguridad, esaki por wordo soluciona prome cu e hackernan cuminsa haci mal uzo di esaki pa nan beneficionan dudoso.
Si un telefon stop di haya actualisacionnan di siguridad, e lo no haya e solucion na fayonan conoci y lo por keda exponi na problemanan di siguridad. Si bo tin un Galaxy S6 of S6 Edge, y ainda nan ta funciona bon, bo por sigui haci uzo nan di nan, aunke nan no lo tin e soporte di Samsung.