Salud: E uzo di anis contra lachi

0

E momento cu bo detecta e prome lachi ta marca un antes y un despues den bo bida. Bo ta ripara cu bo ta drentando den un otro etapa.
Ta e momento di cuida bo mes, pero nos ta proponebo pa bo haci’e den e forma mas natural posibel. Hopi crema comercial tin compuestonan cu por provoca efectonan secundario.
Tene na cuenta cu mata ta forma parti di tera cu ta sustenta nos y cu sernan humano a comparti un bon parti di e composicion di sernan bibo.
Pa esey, den naturalesa nos por haya e miho aliadonan pa mantene nos hoben y saludabel. Poco kimico ta asina respetuoso manera nan.

Dicon uza anis contra lachi
Aunke ta parcebo sorprendente, e mata aromatico aki tin cualidadnan sedante hopi potente. E relahacion ta indispensabel pa e musculonan di e cara no contrae y por lo tanto, ta stop di fiha e liñanan di expresion den esaki.
Di otro parti, faborece e produccion di colageno. Esaki ta un molecula cu ta garantisa cu nos piel ta liso, terso y limpi.
Tanto asina cu personanan cu ta recuri na terapianan mas agresivo, ta inyecta e substancianan di modo periodico. Si bo dicidi pa anis, lo bo no tin mester di e inyeccionnan aki: bo curpa lo segrega pa su mes.
Danki na e substancia aki, e lachinan cu bo ta mira na bo cara, lo cuminsa disparce. E colageno lo ekilibra e textura di bo piel, pa bo tin un aspecto mas hubenil.
Aunke bo naturalesa ta produci e marcanan di expresion aki, anis lo retrasa e dominio di esaki riba bo cara.

Con pa elabora un masker di anis contra lachi
Cu e diferencia di productonan farmaceutico, prepara un masker natural ta hopi mas economico.
Adems, bo ta conta cu e bentaha cu bo ta controla e componentenan di esaki, sin ta a costo di e decisionnan interesa di e laboratorionan.

Ingrediente
4 cuchara di simiya di anis (40g) (bo por cumpranan den cualkier supermarket of hasta botica)
1 cup di awa cayente (250 ml).

Elaboracion
Na prome luga, lo bo tin cu pone e awa riba candela te ora cu e herbe.
Lo ideal ta, despues di esaki, laga e awa reposa den un cup durante algun instante.
A continuacion añadi e anis den e awa y permiti pa realisa e decoccion durante algun minuut.
Cubri e cup pa e preparacion no perde su propiedadnan cu evaporacion.

Aplicacion
Ora cu e infusion ya lo ta cla pa bo uza. Bo por haci’e directamente cu bo dedenan of unp ida catuna.
No ta necesario pa bo hawa bo cara tras di e aplicacion, pero si bo kier, no tin problema.
Incluso, bo por probecha y uza bo tratamento habitual di anochi como complement.

Si bo sigui e instruccionnan diariamente, despues di 10 dia bo lo nota e resultadonan.

Anis: mucho mas cu un anti-lachi
E mata tin uzonan desde temponan inmemorabel den e recetario di culturanan milenario. Tin propiedadnan antiespasmodico y sedante cu ta mehora di manera significativo e problemanan di stoma.
E tin un dobel funcion. Di un banda, alivia e dolor di stoma y di un otro, actua riba su origen ora cu ta trata di un molestia nervioso, danki na e efecto relahante di cual nos ta papia di dje.
Bon noticia pa e hende muhe. Bo tabata sa cu anis ta un analgesico ideal pa dolor di ovario?
Un di e beneficionan ta cu e ta un antiinflamatorio hopi solvente durante menstruacion. Nos ta recomenda pa bo bebe e infusion, por lo menos dos biaha pa dia. E miho ta pa bebe durante mainta y otro prome cu bay drumi.
Esaki ta hiba nos pa pensa cu nos tin e alcance di nos man un elemento desaprobecha.
No obstante, desde awo, bo tin den bo man pa disfruta un receta simpel pa mantene bo cutis bunita durante hopi tempo mas. Na loke nos ta suma, lo bo tin mester un 20 minuut di tempo, pero, kico ta algun minuut ora cu ta trata di bo piel pa e no revela e paso di aña?
Fuente: Mejor con Salud