E farmaceutico Suiso, Roche, a haya un autorisacion di urgencia di e agencia mericano di medicamento (FDA) pa pone na prueba un metodo di e diagnostico di Zika.
Aunke ainda no ta homologado, Food and Drug Administration (FDA) a duna su bon bista na e test, yama LightMix Zika, argumentando cu lo trata di un situacion di urgencia, Roche a indica den un comunicado.
“E test LightMix Zika ta un test molecular cu ta permiti e profesionalnan sanitario detecta rapidamente e virus” Uwe Oberlaender, directora di Roche Molecular Diagnostics, a bisa, cita den un comunicado.
E virus di Zika ta wordo considera responsabel di e aumento di casonan di microcefalia, un malformacion di e recin nacinan grave y ireversibel, vooral na America Latina y tambe ta kere cu ta provoca enfermedadnan neurologico den adulto manera esun di Guillain-Barre.
E sangura Aedes Aegypti ta considera como e vector principal di transmision di e virus.
Roche, e lider mundial di oncologia, ta un di e farmaceuticonan grandi mundial cu nan ta desaroyando testnan di diagnostico di Zika.
Fuente: NTN24