Sra. Charline Huntington a anuncia formalmente na e comunidad di Aruba, cu e sala di emergencia temporario a muda pa su localidad nobo, despues cu na november aña pasa a muda di nan sala di emergencia temporario pa e localidad nobo.
E localidad nobo di e sala di emergencia ta situa na e edificio nobo mas, esun di 5 piso net banda di bloedbank. Si un persona ta bin pa e sala di emergencia, anto e ora si mester bin na sala di emergencia di hospital nobo, bay tuma e di dos parkeo pasa hospital, anto sigui na e edificio nobo. E departamento di emergencia lo ta situa na e di prome piso, anto tin parkeer nobo tambe, cla pa e uzo di henter comunidad .
Awor aki lo tin un borchi temporal bieu poni, ya cu hospital ta na espera di e borchi nobo, pero temporalmente a pone borchi cu localidadnan manera unda pa haya lab, bloedbank y departamento di emergencia, cu ta e departamento cu mas ta wordo bishita.
Algo hopi importante pa menciona ta cu e departamento di emergencia tin dos entrada. Un ta pa bishintante y otro pa e ambulans. E personanan lo mester pone atencion pa drenta den e area di parkeer corecto.
Mas aleu, Sra Charline Huntington a bisa cu privacidad di pashent ta importante, pa cual cu ambulance lo mester drenta na un otro caminda cu casonan di mayor emergencia. E reaccion di e comunidad ta bayendo bon, sala di emergencia a crece y e locacion tambe a crece, pero cu ainda nan no ta hayando mas personal. Den futuro nan lo bay por brinda mas servicio, cu mas personal cu lo por duna miho servicio y servici rapido, segun Sra. Charlene Huntington.