SADA a yama un reunion 10 or, mirando cu awa a pasa hariña, ya cu coleganan a cansa di warda. Mas tanto ainda, e trato cu nan ta haya for di e Minister di Finanza. Y no ta cumpli cu su palabra. Sr. Eduard Maduro, di sindicato SADA ta amplia mas ariba esaki.
Den un reunion dia 15 di maart, el a bisa cu asina cu tratamento di presupuesto pasa, e lo atende cu SADA, e lo caba di rond af tur e puntonan cu ta pendiente. Lamentablemente presupuesto a wordo aproba fin di april, pero sindicato no a tende nada mas. A yama mail toch pidiendo pa un reunion, pa loke ta e reunion di dia 15 di maart. E unico cos ta cu un paar di siman depsues, el a manda un mensahe bisando cu e ta hopi druk y cu e no tin tempo. Y si ta puntonan di importancia, e lo laga SADA reuni cu e conseheronan.
MIrando cu nan no ta hayando niun contesta y niun reaccion di parti di gobierno, SADA a haya nan obliga ariba e situacion di e convenio firma aña pasa y e gobierno actual a reitera cu e gobierno actual ta bay respet’e. Gobierno a bisa cu na medio juni nan lo keda cla cu e LB, pa asina voer in e convenio firma di aña pasa. Riba esaki miembronan mes a bay di acuerdo pa duna gobierno un luna mas di speling, dus 1 di juli pa asina keda cla cu e LB. Pero lamentablemente nan no a haya niun update. Nan sa cu e ta leu di cla, e miembronan ta hopi disgusta, sin conta tur e problemanan cu ta bin ta acumulando pa varios tempo caba. Mirando tambe cu leiding ta tumando algun decision cu ta perhudicando caha di gobierno, esaki ta pone cu mester tuma accion. Minister no ta duna oido, ni tampoco maatregeling, pa asina cumpli cu e parti di economia. Tin cierto decisionnan cu leiding ta tumando, ta perhudicando economia y e comerciantenan. Na prome luga ta e caha di gobierno mester wordo yena y no di e brokernan.
E reunion di SADA a dura te cu 12 or. Pa straño cu e por zona, y lamentabel na mes momento ya cu dialuna mainta 10 or, ora cu a manda un mail pa avisa ministernan cu lo bay yama un reunion diamars mainta, diripiente tur hende a corda ariba number di sindicato, cu Douane ta existi. Diripiente tur hende a yama, a regel citanan, a regla minister di Finanza a core yama y manda mensahe. Pero ya caba SADA a haya opdracht cu nan lo no reuni cu e minister di Finanza te despues di e reunion. Esaki a wordo notifica na e minister, cual e minister no a tum’e cu un actitud no mucho contento. Tanto luna SADA a purba di haya comunicacion, pasobra cu nan si kier sinta na mesa y resolve asuntonan na mesa. A trata di evita di bin cu’n reunion durante ora di trabao. Pero lamentablemente, e minister no a duna nan oido, e no a skucha SADA.
SADA no por wanta e presion di e miembronan, nan tambe mester cumpli cu nan. Nan no por sinta warda ariba gobierno of minister di FInanzas, ora e haya e ora of e gana pa sinta cu nan. El a bisa cu e ta druk, ya cu e tin tres cartera. Si esakinan ta mucho pisa pa e minister, e no mester a tuma e tresnan aki. E mester a tuma esunnan mas importante, cualnan ta di Finanzas y Economia.
Miembronan ta haya hopi lamentabel, cu e minister no ta duna e sindicato atencion. Pero si e den tur evento cultural ta wak e minister, pero atencion pa sindicato y Douane e no tin.
Durante oranan di mainta, na waf, Douane tabata plat, na airport tambe. Esaki ta a costo di e oido cu nan no a haya di e minister di Finanzas, esaki ta cay bou responsabilidad di e minister. Esaki por a desemboca den un reunion di trabao. A purba di tur manera pa evita cu esaki sosode.
Awo diripiente dialuna a haya oido di tur hende. Nan a haya un invitaicon pa un reunion cu minister diabierna, pero esaki no a wordo acepta pa e miembronan. Nan tabata kier un reunion cu e minister diamars mes. No ta cuestion di malcria, pero ta cuestion di haya tur hende na mesa. Nan a haci nan outmost best pa haya e minister na mesa.
E miembronan no kier sinta na mesa mas cu e Minister di Finanzas, pero si acaso e minister presidente kier pa e minister di Finanzas ta presente, nan no tin problema cu esey. Pero e miembronan ta keda pendiente pa mas informacion, di parti di Bestuurskantoor pa asina notifica e miembronan di SADA. Te asina leu, Sr. Eduard Maduro, lider di sindicato SADA.