LONDRES, REINO UNI- E ta un saco blanco simpel y cuadra cu a biaha bay Luna na 1969 riba e Apollo 11 y a bolbe bek Mundo cu e prome muestra di material lunar. Esaki lo por worde bendi te cu 4 miyon dollar, via e cas di subasta Sotheby’s na Juli, na New York.
E articulo, cu ta contene restonan di tera lunar, ta un saco di coleccion uza pa e astronauta Neil Armstrong, e prome homber pa cana riba Luna, durante un mision di Apolo 11. El a wordo uza pa warda piedranan y tera di e region lunar conoci bou di e nomber Lama di Trankilidad.
E subasta, poni pa dia 20 di Juli, ta riba e di 48 aniversario di e aterisahe riba luna di Apollo 11 y lo ta e prome benta legal di un articulo di e mision, segun Jim Hull, director di exhibicion y dispositivonan di NASA.
Apollo 11 a despega dia 16 di Juli 1969, cu tres astronaut a bordo. Cuater dia despues, Armstrong y Edwin “Buzz” Aldrin a bula e modulo Aguila te riba e superficie di Luna. como parti di e mision, e astronautanan a recoge muestranan lunar.
Pero e saca a wordo confundi cu otronan cu nunca a wordo uza pa transporta material lunar, segun Hull. dado momento, e saco a wordo tuma den beslag pa e Departamento di Husitcia durante un investigacion y subasta na su actual doño, e fiscal di e area di Chicago, Nancy Lee Carlson. El a paga apenas 995 dolar pa e saco como parti di varios articulo.
Sotheby’s a bisa di cu e fiscal tin planea pa haci un donacion di e parti di loke wordo recauda na caridad y tambe pa crea un beca pa su Universidad bieu, University of North Michigan.
Fuente: www.reuters.com