Biblioteca Nacional Aruba tin un artesano di Saba di bishita e siman aki. Sra. Johnson cu mucho gusto ta mustra publico su obranan di canchi. Saba ta conoci pa e artesania tradicional di traha canchi (Lacework) y esaki ta conoci bou ‘Saba Lace’. Pero esaki poco poco ta disparce. Sra. Johnson tin 74 aña y ta practica esaki pa hopi aña caba. E ta di bishita na Aruba y ta duna un demostracion na biblioteca diaranson di 4or pa 6or y diahuebs atardi di 3or y mey pa 5or. Publico por pasa libremente pa combersa cu sra. Johnson y wak su artesania.